යන්ත්ර මන්ත්ර ගුරුකම් සිදුකරන බව පවසමින් ජනතාව මුලාවට පත් කළ බව කියන රුවන්වැල්ලේ ඒ සෝභිත හිමියන් අත්අඩංගුවට ගැනීම සඳහා පොලිස් පරීක්ෂණයක් ආරම්භකර ඇතැයි වාර්තා වේ.
එ හිමියෝ හෙට දිනයේදී රුවන්වැල්ල පොලීසියට භාර වන බවට දුරකතනය ඔස්සේ පොරොන්දුවූ බව ද රුවන්වැල්ල පොලිසිය සඳහන් කළේය.
මේ වන විට සෝභිත හමියෝ කොළඹ ප්රදේශයේ ලැගුම්ගෙන සිටින බව ද පැවසූ බව පොලිස් ආරංචි මාර්ගවලින් වාර්තා වේ.
මීට පෙර රුවන්වැල්ලේ ජනතාව ද සෝභිත හිමියන්ට එරෙහිව විරෝධතා පැවැත්වූ අතර, එම විරෝධතා අතරතුරේදී එහිමියෝ රැඳී සිටි සිවු මහල් ගොඩනැගිල්ලට ද ප්රහාරයක් එල්ල වී තිබිණි.
එම ගොඩනැගිල්ලේ තිබී ආයුධ කිහිපයක් ද පොලිසිය විසින් සොයාගෙන ඇතැයි මේ වන විට හෙලිවී තිබේ.
